Jetz chunntsch elter
So ganz ganz langsam hets agfangu
Im vollu Zug hesch miessu stah
Gat sofort ischt en Fröi üfgstandu
Hett dier der Sitzplatz uberlaah.
De heschus g‘merkt: Jetz chunnscht dü elter
Dü hockschti ab und bischt schockiert
Dü lüegscht die Fröi a und dü deichschter
Das ischt mier no nie passiert!
Dü willt en niwwe Film ga lüegu
Ar Kinokassa heisst's: Entschuldigung,
darf ich in ewwe Üswiis lüegu
ier heit Senoiru-Ermässigung
De heschus g’merkt: Jetz chunnscht dü elter
Üfgfallu ischt dier das no nie
Diine Sitznachbüür der seit der
Hey Aalte, schöön bischt dü öi hie
Dü keersch doch no nit zu de Aalte
Im Spiegul lüegsch dich sälber a
Und pletzli gseehsch dü so vill Falte
Dass das so schnäll het chennu gah...
Va jetz awäg willt gsunder läbu
Drum geischt ins Fitness-Studio
Chüüm bisch da keerscht eine sägu:
Der ischt vam Altersturnu cho...
De säg zu dem: Öi dü chunnscht elter
öi wemus gääru ignoriert
Geschter jung und hittu deichschter
mooru wirscht scho pensioniert.
Irgendwe gschpirrt jede ds Elter
Hienta schnäller als mu ahnt
Öi ich hä gmeint, ich chumm nit elter
Und jetz bini scho lang alt.
sooo alt...
Dü bischt miis Derfji
Tüüsig Jahr Natersch - en so längi Zit
dass dich hie am Walliser-Rottu scho git
Äs heint iischi Ahnu - das gschpirrt mu no hittu
Schich igsetzt fer d'Friiheit - fer das heint schii gschtrittu
Bim Linduböim - wa iischers Pfarrhiischi steit
Da het mu die Matza umenandergitreit.
La chnächtu lähnt schich die Natischer nie
drum bliibe wier gääru der Läbtag lang hie
Va zunnrusch dum Rottu bis ambrüf zum Aletschhooru
hän ich dier miis Natersch - die Triwwi gschwooru.
Tüüsig Jahr Natersch - ich sägunters grat:
fer mich blibscht es Derfji - und niemals en Stadt
Dü - bischt miis Derfji und das blibscht dü öi
Dü - bischt so aalt und gsehsch doch üs wie nöi
Dü - läbscht nit nur va der Verganguheit
Dü - machscht iisch Natischer hie lang no Freid!
Der Böim - en Tröim - bim Judugässji der Lindu böim
Dascht friener iischi grossi Rutschbahn gsii
Als Chind - mim Grind - chopfvora wie d'Jingini sind
weni d' Linda gseh de chunnt mier alls wieder z'Sii.
Dü - bischt miis Derfji und da blibscht dü öi
Dü - bischt so aalt und gsehsch doch üs wie nöi
Dü - läbscht nit nur va der Verganguheit
Dü - machscht iisch Natischer hie lang no Freid!
Äs git - hie Lit - wies suschter niene git
Als Gmeindspresidänt da het mus ds Natersch güet!
Mu macht - Fasnacht - und de fäschtut mu d’ganz Nacht
Wier Natischer wier hei halt Drachublüet
Dü - bischt miis Derfji und miis Heimatland
Dü - lüegsch va zunnrusch da bim Rottustrand
dü - lüegscht ambrüf vam Aletschooru mbri
Dü - bisch der Ort wan ich gibooru bi!
Dü - bischt miis Derfji und das blischt dü öi
Dü - bischt so aalt und gsehsch doch üs wie nöi
Dü - läbscht nit nur va der Verganguheit
Dü - machscht iisch Natischer hie lang no Freid
Gjätt
Ich bi immer no da
naa dene ganzu Jahr
hä no immer nit gnüeg
mier geits immer no güet
Ich bi immer no da!
Ich gibu immer no Gas
Ich hä immer no Gschpass
hä no gar nix biröit
nei äs tüet mer nix leid
Gibu no lang Vollgas
Ich bi immer no wach
Ich machu immer no Krach
Spilu die ganzi Nacht
bis der Morgu erwacht
Ich bi immer no wach!
Ich bi immer no fit
ich singu immer no lüt!
und teent miini Stimm
derdussunt öi schlimm
üfheeru will ich no nit
Ich bi wie es Gjätt wa immer no blieht
es uraalts Iisu - wa immer no glieht
ich bi mier sicher dass no lang witergeit.
denn ich hä immer no Freid!
ich hä immer no Freid!
ich hä immer no Freid!
Ich bi immer no stur
mit miine Lieder uf Tuur
Will no schutz witersingu
eww zum Lachu bringu
Das ischt miini Natur
Bi noi immer nit riich
doch ich bi mmer no ich
und genau so will ich läbu
will no so vill erläbu
und der Räscht isch mier gliich!
Ich bi wie es Gjätt wa immer no blieht
es uraalts Iisu - wa immer no glieht
Ich wellti dass das eewig so witergeit
Denn ich hä immer no Freid!
ich hä immer no Freid!
ich hä immer no Freid!
Ich bi wie es Gjätt wa immer no blieht
es uraalts Iisu - wa immer no glieht
öi wenn ich weiss, dass das nimme lang geit:
ich hä immer no Freid!
ich hä immer no Freid!
ich hä immer no Freid!
Polotzdünawäärli
Iis Tunisch Krisilsi und z'Merezjisch Franz
sind heimlich verlobti und gähnt hittu z'Tanz
Schi bchennunt enander scho lengeri Zit,
heint ds Muntschu scho har und dar giebt
Schii heint enand gääru und sind wie nit gschiid
z'Hudul und ds Fätzu verliebt.
Und hittu isch Fäldtanz im üsseru Ried
wa's grienut und chnoschput und süpärb scho blieht
Und z'Jungvolch vam Bärgji ischt alles derbii
was gits cha suscht wäächers als Tanz
Der Sali und z'Türli und z'Annumarie
natiirli ds Krisilsi samt Franz
Polotzdünawäärli, äh gwiss und po äh
wie ds Franzji ds Krisilsi in d'Arma tüet näh.
Schii pfurrunt in d'Rundi und drähnt schi ringsum
karisierunt verborgu derbii
Was d'Liitjini sägunt, schii lotzunt nit um.
denn ds Pfingschtu müess gheraatu sii!
Uhüerugüet
Ja hittu schiint d'Sunna
und ich liggu im Gras
ich hä so herrlich gschlaafu müess nit ga schaffu
und ich gniessu das
Ja hittu machi mal Pause
Ja hittu machi mal frii
Will nix meh deichu, no es Glasji ischeichu
va miim beschtu Wii
Ich stellu ds Händy ab
und ich gniessu dr Tag!
Ich chennti d'ganz Wält umarmu
warum weiss i nit
ich hä so güeti Lüüne und ich tüe numma stüüne
ab de andru Lit
alli tient so pressieru
va Termin zu Termin
und jede tüet hoffu, sgäbe kei Katastrofa
im Läbu bi ihm
Das sind doch gschtressti Lit
mier passiert das nit
Mier geits güet - uhüeru güet
hä keis schlächts Gwissu
jede soll das wissu
Mier geits uhüeru güet!
Mier geits güet - uhüeru güet
und kit die ganzi Wält zämu
nei ich tüe mich nit schämu
Mier geits uhüeru güet
Eso lachu und grinsu
nei das macht mu doch nit
das seit mier es Mannji, das cha nit normal sii
in der hittigu Zit
Uberalll tiensch doch chriegu
Und dü lachusch derbii
Tüescht es Liedji pfiifu das cha niemer bigriifu
Dü keerscht ind Psychiatrie
Ich sägu dier was dü bischt
Dü bischt en Egoischt
Mier geits güet....
Ich gibu dier Halt
Wenn dü der Halt verliersch, s’geit dier nimme güet
wenn dier niemer diini Träne trechnu tüet
Wenn dü meinsch die ganzi Wält laht dich im Stich
de hesch no mich, de hesch no mich
Wenn dü der Halt verliersch und meinscht äs sig verbii
im ganzu Läbu chennesch nie meh glicklich sii
öi die ganz Verwandschaft sige gägu dich:
de hesch no mich - de hesch no mich
Ich gib dier Halt und tüe dich nie verlaa
Will nooch bi dier diis Härzji keeru schlaa
Ganz nooch bi dier wellt ich immer siii
Will diini Buttitschiffra sii!
Nei ich la dich nie la hangu
und sii wier beidi grau und aalt
Var Buttitschiffra chasch verlangu:
Schii git dier immer Halt.
Wenn dü der Halt verliersch gits eppis wa dier nitzt
en Buttitschiffra wa dich immer unnerstitzt
und laht im Elter öi die Schwärchraft dich im Stich:
de hesch no mich - de hesch no mich - de hesch no mich
Ich gib dier Halt...
Nooluvolch
Är hassut alli Auto und geit nummu säältu z'Füëss
Bim Rotliecht zeigt är jedum schiine "Stiichig-Finger"-Grüess
är fahrt jetz öi elektrisch und mit Batterie
Am Liebschtu uf dum Trottoir in die Füessgänger drii!
Ob d'Brämse funktionierunt - nei das weiss är nit
Ds Wichtigschta fer inu ischt es cools Outfit
En Sunnubrilla iner Nacht und nit nur am Tag.
Är treit no churzi Hose so bis minus zwenzig Grad!!
Das isch der Göich uf schiinum Velo
Das isch der Dubul uf dum Velo
das sind die Trottla uf dum Velo
Nooluvolch!
Är fahrt in jedum Wald und uf dum Wanderwäg
Fahrt immer mitti uf dr Strass und geit da nimme wäg
Am liebschtu no friihändig - nei das isch nit liecht
Bi Nacht und Näbul us Prinzip ohni Liecht!
Uber jede Bärg - är tüet gääru liidu
Tüet grie und blau schiis Fitla uf dum Sattul üfriibu
Am allerliebschtu wenns so richtig obschig geit
Bis zum Härzinfarkt - und das voller Freid!
Das isch der Göich uf schiinum Velo
Das isch der Dubul uf dum Velo
so sind die Trottla uf dum Velo
Nooluvolch!
Das müess ja jetz gat nit die grossi Liebi sii
Das müess ja jetz gat nit die grossi Liebi sii
Nei sicher nit
äs längt doch wenn wier mal en Nacht lang zämu sii
Ja bitte ja
Schii het so es härzigs Lachu
Tüet so Sache machu
Das häni 'im ganzu Läbu nie erläbt
Schii Ischt luschtig und cha tanzu
Wier hei im grossunganzu
Tag und Nacht nur anenadre kläbt...
Das müess ja jetz gat nit die grossi Liebi sii
Nei appa nit
Und doch is so wunderschöön - mit ira zämu sii
Ja ja ja
Das müess ja jetz gat nit die grossi Liebi sii
Nei no gat nit
Doch villiichter cha schich ändru, was bis jetz isch gsii
Ja bitte ja
Ich hä schi richtig leeru kennu
Miis Härz faht afa brennu
Hä wellu dasch fer immer bi mier blibt
Doch Schii will va dem nix wissu
Will mi nimme küssu
Het merci gseit fer iischi schööni Zit!
Das müess ja jetz gat nit die grossi Liebi sii
Nei leider nei
Het schii immer gseit und schii blibt derbii
Ja leider ja
...und tschüss....
Aletschji
Scho weni am Morgu früeh üfstah
Wellti am Liebschtu Alls la stah
D‘Sunna schiint und Wulche gsehni nit...
Mim Bähnli embrüf und de afa löifu
Bim Kiosk no eppis z'Triichu ga chöifu
En chliini Pause was no eppis z'hängertu git.
Name Schutz z Aletschbord verla,
d Steigle emab und de witer dum Wäg na
no zwei Wägwiiser und de siwer scho fascht da
Weni der Aletschgletscher gse,
di Schaf und di Geiss und no vil me
ganz unnina d schwarzu Stäche und di schönu Schottu so gse sta
de bini zfridu wie suschd nie,
als chenti gad z Unmeglicha gsche
und de gits nix me uf der Wält wa mier no fählt
weni der Aletschgletscher gse
weni im Aletschji cha si
Vil lieber als eswa ame Strand,
bin ich hie im Aletschji umanand
Ir wunnerbaar Natuur was numma gat hie git
Eleinzig z ga brücht no es bizji Müet,
erscht flotti Gsellschaft macht das Ganza güet
im Aletschji triffsch nummu flotti Lit
Eismal im Jahr sind alli da,
fer bim Kapälli in die Jodulmäss z ga
das isch der schönschtusch Tag im ganzu Aletschjahr
Weni der Aletschgletscher gse,
di Schaf und di Geiss und no vil me
ganz unnina d schwarzu Stäche und di schönu Schottu so gse sta
de bini zfridu wie suschd nie,
als chenti ins Unendlicha gse
und de gits nix me uf der Wält wa mier no fählt
weni der Aletschgletscher gse
weni im Aletschji cha si
Am Abu wenns still wird und der Mond uber alles schiint
de chamus bestühnu, das ungläublich Stärnubild
und de chasch studieru, ob ächt alls wirkli wichtig isch
besser isch eifach gniessu? Es Tagsch geits iisch doch alle gliich.
Weni der Aletschgletscher gse,
di Schaf und di Geiss und no vil me
ganz unnina d schwarzu Stäche und di schönu Schottu so gse sta
de bini zfridu wie suschd nie,
als chenti ins Unendlicha gse
und de gits nix me uf der Wält wa mier no fählt
weni der Aletschgletscher gse
weni im Aletschji cha si
weni der Aletschgletscher gse
weni im Aletschji cha si
weni der Aletschgletscher gse
Gwennschdi dra
Friener bini numma mit der Handoorgla umenand
Kei Verstercher und keis Mikrofon in miiner Hand
Und hittu nimm ich uf die Bühni Bass und Schlagzig mit
Und öi d'elektrisch Gitarr - sume gfallt das nit....
Doch irgendwe da Gwennschdidra, Gwennschdidra, Gwennschdidra, hahahaha
Das ich nit gat der Schlauschtu bi das tüet mich nit schinieru
Scho iner Schüel der Lehrer - will das nit akzeptieru
Ich selle vill meh leeru suschter bliib ich dumm wie Ströi
Ich weiss das ich kei Gschiide bi, doch eppis weiss ich öi:
Da Gwennschdidra, Gwennschdidra, Gwennschdidra, hahahaha
Mit vierzäh triichi ds eerschtusch Bier, - das ischt chotzgrüüsig gsii
Schwinndlig ischt mer wordu und mier chunnt so schlächt derbii
Ich triichu niemeh Bier - hän ich mier am Naatag gschworu
Churz druf da häni wieder so es Bierli wellu choru...
Da Gwennschdidra, Gwennschdidra, Gwennschdidra, hahahaha
Miine Coiffeur het mich uberschnurrt mal eppis niwws z'probieru
Doch der moderni Haarschnit der tüet mich total schockieru
Ich kennu mich fascht nimme, nei so darfi nit uf d'Strass
Doch miine Coiffeur seit zu mier: Bitte glöib mier das:
Da Gwennschdidra, Gwennschdidra, Gwennschdidra, hahahaha
Ich tüe so gääru ässu -nimu immer no meh züe.
Ich cha mi chüüm meh bicku wenn ich heftu miini Schüeh
Im Stäguhüüs verchumm ich naa zwei Stäge chüüm meh Schnüüf
Drum fahri nur no mit dum Lift - so Regsch di nimme üf!
Da Gwennschdidra, Gwennschdidra, Gwennschdidra, hahahaha
Wan är gheratu het, ischt schiini Fröi vill junger gsii
so wunderschön und schlank - doch die Zitte sind verbii
Schii lachut nie - stiicht na Parfüm und gseht furchbar üs
Ich fräägu inu, säg wie haltusch das mit dera üs?
Är seit mer da Gwennschdidra, Gwennschdidra, Gwennschdidra, hahahaha
Fröindschaft
Fröindschaft - Ächti Fröindschaft
die blibt ds ganz Lääbu - im Härzu dri.
Fröindschaft - mit Ornavasso
die wellwer pflägu - susch geitsch verbii
So’n teiifi Fröindschaft - nei die kennt gar kei Gränze
Schii fiert iisch zämu - und macht iisch froh.
D’Natischer Fröindschaft - mit Ornavasso
die bliibt am Läbu - öi iner neegschtusch Generation!
Amicizia, - Un amicizia
Rimane per sempre - nascosta nel cuore
l’Amicizia, - Con Ornavasso
La vogliamo vivere - Tante storie scrivere
Ornavasso, tu fai parte di Naters
Tu fai parte di noi, sei scolpito nel cuore
Ornavasso, anche se tu parli l’italiano
l’amicizia - e la cosa piu bella che c’è
Und chämunnt de d’Ornavassesi uf Natersch de sii wier derbii
Und de gschpirre wier d’Fröindschaft und wisse die geit nie verbii
Ornavasso - und wier va Natersch
wier bliibe Amici öi in der neegschtusch Generation!
Fröindschaft - Ächti Fröindschaft
die blibt ds ganz Lääbu - im Härzu dri.
D’Natischer Fröindschaft - mit Ornavasso
die wellwer pflägu - susch geitsch verbii
Ornavasso, tu fai parte di Naters
Tu fai parte di noi, sei scolpito nel cuore
Ornavasso, anche se tu parli l’italiano
l’amicizia - e la cosa piu bella che c’è
Iischi Fröindschaft - die kennt kei Gränze
Schii fiert iisch zämu - und macht iisch froh.
D’Natischer Fröindschaft - mit Ornavasso
die bliibt am Läbu - öi iner neegschtusch Generation!
l’amicizia - e la cosa piu bella che c’è
Natischer Heimfahri
- ier luschtigun Büebu, die Nacht ist bald aus,
die Vögel sie pfeifen‘s, wir müssen nach Haus.
Refrain: sumerei dei dei dei dei, sumerei, dei dei dei dei, sumerei, dei dei dei dei, sumerei, dei dei dei.
- Und geh ich nach Haus, so lachen’s mich aus,
und bleib ich bei dir, so schimpfen’s sie mir.
Refrain
- Mini Müeter het gseit, hina geisch mer nit üüs,
düe häni värstannu, zär hindru Port üs.
Refrain
- Mine Vater, mini Müeter, sind chriizbraavi Liit,
schi heeint ja enander, im Güütschji zerhiit.
Refrain
- Mine Vater, mini Müeter, sind spaarsaami Liit,
schi flickunt mer d’Hose, mit Härdepfulhüüt.
Refrain
- Miis Schatzji ischt nit us Zuckär, deeschschi bini so froh,
de hätti nu gässne, suscht häni nu no.
Refrain
- Drii Taga vor Ooschtru, da geit der Schnee ab,
de heeratut mis Schatzji, und ich bi tschäb ab.