Bernina
Äs git niene uf Gottes Ärdu
es sottigs Land wie iischi Schwiz
4000 meter hochi Bärgu
48 im ganzu gits
47 va dene Tschugge
die chascht bi iisch hie im Wallis gseeh
Numma eine macht mich verruckte
der tüet mier in miinum Härzu weh!
Säg Herrgott chumm säg mer
was hesch derbii gideicht
wa dü öi de Bündner
en Viertüüsiger hesch gscheicht.
Bernina - dü steischt am falschu Ort
Bernina - vam Bündnerland da welltisch fort
Bernina - ganz alleinzig steisch dü da
im Wallis wärisch dü vill besser dra!
Gat näbum Matterhoru, bim Wiis, Täsch- oder Strahlhooru,
Bim Aletsch-, Allalin- oder Zinalrothooru, Bim Hinner- oder grossu Fieschhooru
bim Laggin, Schreck- oder Obergabulhooru bim Grossgrie- oder Rimpfischhooru,
bim Nadul – oder Stecknadelhooru
bim Hohbärg-, Dürru- oder Bishooru
Bim Länzspitz, Mönch oder Jungfröi! D’annru Viertüüsiger chämunt dernaa dra....
4000 Meter isch d'Mindeschtheechi
und suschter is kei rächte grosse Bärg
Äs git vill hie in iischer Neechi
numma eine ischt vill dswit awäg.
Dr Herrgott het diz Land erschaffu
als Schöpfigs-Chrona steit ds Wallis da
Warum tüet är dr Bernina strafu
dass är alleinzig da müess stah...
Säg Herrgott chumm säg mer
was hesch derbii gideicht
wa dü öi de Bündner
en Viertüüsiger hesch gscheicht....
Bernina - dü steischt am falschu Ort
Bernina - vam Bündnerland da welltisch fort
Bernina - ganz alleinzig steisch dü da
im Wallis wärisch dü vill besser dra!
Ich will nit reklamieru
aber trotzdem is en Schand
dr Bernina ga plazieru
zmitsch im Bündnerland.
Bernina - dü steischt am falschu Ort
Bernina - vam Bündnerland da welltisch fort
Bernina - ganz alleinzig steisch dü da
im Wallis wärisch dü vill besser dra!
Bernina - dü steischt am falschu Ort
Bernina - vam Bündnerland da welltisch fort
Bernina - ganz alleinzig steisch dü da
im Wallis wärisch dü vill besser dra!
Jetz chämunt no d’annru Viertüüsiger va dr Schwiz Dr Monte Rosa het 8 so hochi Gipfla
Ds Breithooru 5, Crand Combin und Liskamm je zwei De gits no die Castor- und Pollux-Zwilling
Dr Alphubel, Wiismies, Dent d’Herens.
Ds Fiischter- und ds Lüteraarhooru, dr Dom Jetz fählt numma no eine: Piz Bernina
im Wallis wärisch dü vill besser dra!
Zit
Ich will meh Zit - doch das geit nit
denn was verbii ischt - das ischt verbii
D’verlorni Zit - nei die holscht nimme zrugg
Es Jahr geit vill z’schnäll verbii
Gat diräkt nam Silväschter da faht d’Fasnachtszit a
im Üstag schmilzt der Schnee ganz schnäll fort
In der Hitz z’mitscht im Summer müescht in d’Ferie gah
und scho steit ds Chrisch-Chindli vor dr Port
Die Zit die stoppusch nit
d’meischtu Lit heint vill z’wenig Zit
Ich will meh Zit - doch das geit nit
denn was verbii ischt - das ischt verbii
D’verlorni Zit - nei die holscht nimme zrugg
Jede Monat geit so schnäll verbii
Bi Vollmond süeschusch d’ganzi Nacht dr Schlaf
Am eerschtu hesch dr Lohn scho abgibüecht
Zahlsch de d’Rächnige z’spaat, vechunnscht sofort en Straf
Öi wennt nit willt chunnt d’Tanta Rosa z’Bsüech.
Zit isch Gäld sägunt sumi Lit
aber chöifu chascht schi nit.
Ich will meh Zit - doch das geit nit
denn was verbii ischt - das ischt verbii
D’verlorni Zit - nei die holscht nimme zrugg
Jede Tag geit vill z’schnäll verbii
Pressierusch zum Schaffu gat diräkt nam üfstah
Im Stau uf dr Strass regscht di üf
Und chasch du am Maabu de ändlich heimgah
Sind d’Chinder scho lang nimme üf
Dü willscht meh Zit hä fer diini Chind –
Und merkscht dass Zit dier durch d’Finger rinnt.
Ich will meh Zit - doch das geit nit
denn was verbii ischt - das ischt verbii
D’verlorni Zit - nei die holscht nimme zrugg
D’Minüte gähnt so schnäll verbii
Chunnscht en Minüta z’spaat uf du Zug
de steischt dü en ganzi Stund da
So en Stund verliersch öi wägu dr Summerzit
Im Bett en Minüte z’früeh bisch z’spaat
Ich will meh Zit - doch das geit nit
denn was verbii ischt - das ischt verbii
D’verlorni Zit - nei die holscht nimme zrugg
Die Zit geit vill z’schnäll verbii
Das gschpirrt mu nur im Wallis
Öi wennt no villi främdi Länder kennulehru willscht
Hie uf der witu grossu Wält.
So chasch doch nie vergässu da wa dü deheimu bischt
will uberall dier d’Heimat fählt.
Die Zit fascht a zellu
bis ds Wallis ändli wieder darfsch gseh
D'lengi Zit tüet dich quellu
Äs tüet dier richtig weh....
Das gschpirrt mu nur im Wallis
so ischt halt ds Volch vam Wallis
Sind iischi Grinda hert und öi stur
so ischt halt iischi Natur.
Das gschpirrt mu nur im Wallis
Ja so isch ds Volch vam Wallis
Öi wenn dü weischt hie gits vill Missgunscht und Nit
ganz ehrlich: Wa gits das nit?
Ir Üsserschwiz scho scho friener diine Grossvater ischt
in d'Ferie hie ins Wallis cho.
Und wills fer dich als Grüezi d'schönschti Feriuland ischt
bischt jetz mit diine Änkulchinder cho.
Öi die tient scho plangu
Und frägunt wenn isch ds Jahr ändli um?
Öi de Chleinu tüets gfallu
Dü weischt genau warum...
Das gschpirrt mu nur im Wallis
so ischt d'Natur vam Wallis
Die Tier im Wald und die Hopschla im See
hesch dü scho friener gääru gseh...
Das gschpirrt mu nur im Wallis
so ischt d'Natur vam Wallis
Öi im Winter da chascht Gämschini gseh
Oder gniessuscht drPulverschnee.
Doch no vill schöner als Ferie hie ischt
Wenn dü hie deheimu bischt....
Das gschpirrt mu nur im Wallis
so ischt halt ds Volch vam Wallis
Sind iischi Grinda hienta hert und öi stur so ischt halt iischi Natur.
Das gschpirrt mu nur im Wallis
so ischt halt ds Volch vam Wallis
Öi wenn dü weischt hie gits vill Missgunscht und Nit
ganz ehrlich: Wa gits das nit?
Im Läbu geit äbu vill dernäbu
Dü bischt verliebt - hescht ira nix verratu
aber mooru seischras gschwind
Da seit schii dier: Dü wier tie heiratu
Ich und miine niwwe Frind.
In diinum Fruscht leerscht die Thea kennu
und willsch so lieb und sympathisch ischt
Nimmsch schii mit heim - da müescht erkennu
Dass die Thea en Theo ischt.
Äs geit im Läbu Läbu Läbu
vill dernäbu näbu näbu
mu merktsus meischtens zspaat.
Ds Glick chascht nit häbu häbu häbu
müescht erläbu läbu läbu
dass dich dsGlick wieder verlaat.
Äs chunnt im Läbu äbu
annersch als mu deicht
mu verchunnt im Läbu äbu
sältu eppis gscheicht.
Dü chasch dum Chef güet ins Fitla schliifu
Dü chascht güet schliimu bi sume Lit
Doch diine Chef het dich nit bigriffu
Het di trotzdem us der Firma kit.
Dü hescht lang gsüecht
endlich hescht en Wonig
dü willschschi chöifu - tiir ischt nit
Mu het ndier gseit die wohnig sig in Ornig
und jetz isch ds Hiischi zämukitt.
Äs geit im Läbu Läbu Läbu
vill dernäbu näbu näbu
mu merktsus meischtens zspaat.
Ds Glick chascht nit häbu häbu häbu
müescht erläbu läbu läbu
dass dich dsGlick wieder verlaat.
Äs chunnt im Läbu äbu
annersch als mu deicht
mu verchunnt im Läbu äbu
sältu eppis gscheicht...
Sisch wie im Märli - dü bisch zum Brunnu gangu
und gseescht en Frosch wa druf tüet plangu
dass mu nu küsst, will dr Prinz ischt gfangu
doch d’Schmüüseerii het nix verfangu.
Äs geit im Läbu Läbu Läbu
vill dernäbu näbu näbu
mu merktsus meischtens zspaat.
Ds Glick chascht nit häbu häbu häbu
müescht erläbu läbu läbu
dass dich dsGlick wieder verlaat.
Äs chunnt im Läbu äbu
annersch als mu deicht
mu verchunnt im Läbu äbu
sältu eppis gscheicht...
Laftinomeh
Am Mäntag häni Üsgang kä- äs het mi zimmli gleit
ich fahru mit dum Auto heim, will löifu nimme geit.
da steit en Charru uf dem Platz wa suschter miine steit.
Ich wecku miini Fröi und frägu ob schii das versteit.
Miine Parkplatz der ischt volle da het schii zumer gseit:
Lalala-laftinomeh, dü gsehsch ja nix meh,
dü müesch fasch blinde sii
das isch doch nur die Pussett vam Mämmi vis-a-vis
Nei ich süechu gar kei Krach und strittu will ich nit
aber en Pussett mit mu Schiebedach, nei das bigriifi nit.
(Jodel)
Am Ziischtag wani heim bi cho , hän ich en Chischta käh!
So en Mantul hangut amne Stüel wieni keine hä!
Är isch mier öi nit gangu ich hänu aprobiert
ich wecku miini Fröi und frägu ob schi das kapiert,
en främde Mantul uf dum Stüel da het schii reklamiert:
Lalala-Laftinomeh, dü gsehsch ja nix meh,
dü müesch fasch blinde sii
das sind doch nur die Windle, vam Mämmi vis-a-vis
Ich müess gottlos glaffne sii und strittu will ich nit
aber Windle mit vill Täsche dri, nei das bigriifi nit.
(Jodel)
Vam Mittwucham Aabu weissi nix äs chunnt mer nix meh zii.
Ich weiss numma dassi mit der Fröi im Strit bi gsii
Ich hä nämmli ira gseit dass ich kei Röiker sii
und doch ligt en Riesustumpu uf miinum Nachttischji
das siige mier es Rätsul - als Antwort da seit schii:
Lalala-laftinomeh, dü gsehsch ja nix meh,
jetz müesch erblindut sii
das isch doch nur es Nuggi, vam Mämmi vis-a-vis
Gliich was dandru deichunt doch strittu will ich nit
aber Nuggini wa Röichunt, nei das bigriifi nit.
Am Donschtag und am Fritag bini zimmli spat ins Näscht
Am Samstag häni sowieso es luschtigs Riesufäscht.
Wani heim zer Fröi bi cho git mier das der Räscht
Da ligt en främde Maa mit miiner Fröi im Näscht
und miin Fröi die seit mier no: weck nit iischi Gäscht!
Lalala-laftinomeh, dü gsehsch ja nix meh,
jetz müesch dü blinde sii
das isch doch nur das Mämmi, var Wohnig vis-a-vis
Strittu ischt nit miini Art , aber dizmal glöibis nit
es Mämmi mit me Vollbart, nei das bigriifi nit.
So en Schiffahrt
Sit Wuche gfreww ich mich ganz ehrlich
uf d'Schiffahrt und jetzu geits los!
Die Flussfahrt wird sicher ganz herrlich
der Käptn brielut: Leinen los!
Dr Ledl der Leitz und dr Erich
die findunt die Bar ganz famos
Ds Gipäck isch ne wurscht
uf es Bierli heintsch Gluscht
Schii heint Durscht!
So en Schiffahrt da bini sofort derbii
Uf dum Rottu, der Donau oder dum Rhii
So en Schiffahrt geit immer vill ds schnäll verbii.
So en Schiffahrt die gfallt allne güet
Ob jung ob alt ob gsund ob chrank - s'tüet allne güet Ja - ja
Ds Schiff fahrt nit schnäll nei ganz gmietlich
Seechrank chunnsch da nit derbii
Uf dum Sunnudeck gniessusch die Üssicht
Die Gägund fliesst an dier verbii.
Z’Früestuck, z’Mittag und öi ds’Höiptgricht
ds Ässu cha nit besser sii...
Mu spiisut in Rüeh
Mim Triichu schlaasch züe
So nimmsch züe!
So en Schiffahrt da bini sofort derbii....
Statt gmietlich an Land ga spazieru
da bliibunt vill lieber die Gäscht
denn es Apero tüet mu servieru
scho gits wieder es chleiners Fäscht
Dr Rüedi faht a diskutieru
mim Käptn uber schiis Näscht.
Är schlafe fascht nit
obs bim Bett ächtig nit
en Wasseradra git?
So en Schiffahrt geit immer vill ds schnäll verbii.
Uf dum Rottu, der Donau oder dum Rhii
So en Schiffahrt die gfallt allne güet
Ob jung ob alt ob gsund ob chrank - s'tüet allne güet! Soo güet!
Lachu
Ich wellti wieder mal lachu
So wie friener no als Jingi so hell und eifach so wies chunnt
Eifach wieder mal lachu
Wägu nix und wägu niemerum, lüt und ehrlich ohni Grund.
Ich wellti wieder mal lachu
So unbischwärt wie friener doch nei s’funktionierut nit
Tüeni trotzdem mal lachu
de teent’s e so schrill e so künschtlich und öi eppis z’lüt
Ich hä miis Lachu verloru
irgendwe, irgendwa uf miinum Läbunswäg
Ich hä miis Lachu verloru
irgendwie, irgendwe häni gmerkt äs isch wäg
Ich hä miis Lachu verloru
Und ich süechus bis ich’s findu - nei ich la nit lugg Was solli machu
ich will miis Lachu zrugg
Ich wellti wieder mal Freid hä
So wie friener no als Chind an de allerchlinschtu Sache
Eifach wieder mal Freid hä
Amne Spillzig, amne Tierli, am Blüemji, amne Lache
Ich wellti wieder mal Freid hä
und stüünu uber alls wa hittu sälbverständlich schiint
Und wenn ich wieder cha stüünu
de chani öi Freid hä und lachu wie es grossus Chind
Ich hä miis Lachu verloru
irgendwe, irgendwa uf miinum Läbunswäg Ich hä miis Lachu verloru
irgendwie, irgendwe häni gmerkt äs isch wäg Ich hä miis Lachu verloru
Ich süechus bis ich’s findu - nei ich la nit lugg Was soll ich machu
ich will miis Lachu zrugg
Vater chunnt va Bäru
D'Hebamma het gseit, chumm jetz is sowit.
Doch ich hä kei Freid, Ich hä no derzit
Va mier üs chas no lang gah, hie ir Fruchtblasa dri
da chunnt en chalti Zanga und schreckut mich ambri.
Ich häs düe scho gwisst: Ich pressieru doch nit gääru
Miine Vater chunnt va Bääru!
Bir Müeter ar Bruscht, hän ich sägsch Jahr verbrungu
Da heintsch mi trotz dum Durscht, ans Nuggi gizwungu.
Das ischt mier ds rassig gangu. ich hä reklamiert
äs het mier nix verfangu, Da häni probiert
dr Müeter miis Problem haargenau ds erklääru:
Miine Vater chunnt va Bääru!
Bim hetzu und pressieru, da häni es Problem.
Ier miesst das kapieru, das sind miini Bärner Gen.
Ich häs gääru gmietlich, so wie alli Bärner sind.
Und züedem bini schliesslich, va miinum Vater ds Chind.
Ich häs düe als Chind, Mit Schnägge fah probiert
doch will die ds Schnälli sind, häni kapituliert.
Wan ich in d'Schüel bi gangu, und ir Klass bi gsii
Het d'Schüelstund nit agfangu, nei schii ischt fertig gsii
Fascht 50 Meter Schüelwäg ich pressieru doch nit gääru
Miine Vater chunnt va Bääru.
In der Stadt mim Autofahru, und wenn d’Ampla roti ischt
de stopp ich miine Charu, scho chunnt en Polizischt.
Der chunnt zimmli lüte, Hesch bim Autofahru Mieh?
Sit jetz bald zwei Minüte siege d’Ampla wieder grie!
Ich stiigu üs und will dum Tschugger miis Problem erklääru:
Dr Vater chunnt va Bääru
Bim hetzu und pressieru, da häni es Problem.
Ier miesst das kapieru, das sind miini Bärner Gen.
Ich häs gääru gmietlich, so wie alli Bärner sind.
Und züedem bini schliesslich, va miinum Vater ds Chind.
Äs chunnt in de Wäxiljahr, Der eerschti Milchzahnt scho
Und ich hä mit de Jahr, en hibschi Fröi vercho.
So vergeit die Zit, bir silbrigu Hochzit
seit schi S'wird langsam Zit, Es Mämmi machscht mer nit?
Was jetzu scho? Dü weisch ich pressieru doch nit gääru
Dr Vater chunnt va Bääru!
Nur kei Stress
Immer schnäller, immer schnäller, suschter landusch dü im Chäller
Immer schnäller, immer schnäller, suscht geischt nit mit dr Zit!
Immer zahlu, immer zahlu, nei so chasch dü nix meh sparu
Im mer zahlu, immer zahlu, nei sparu chasch so nit!
Dum Staat chascht nix meh glöibu, ja är tüet schich drum erlöibu
Ändi Jahr dich dich so üsz’röibu, dass nah de Stiire nix meh blibt
Fer das Gäld hescht schaffu miessu, Und jetz müesch dü darfer biessu
Nei so chasch keis Läbu gniessu, so geits hittu villne Lit!
Immer witer, immer witer, suschter geits dier pletzli schitter
Immer witer, immer witer, nei das schüenusch nit!
Nur kei Stress – wer weiss wie lang dü no hesch z’läbu
Nur kei Stress – öi gmietlich chasch no vill erläbu.
Nur kei Stress – und reg di ja nit üf
Und wenn dü doch uf d’Schnura kisch – de stah halt wieder üf!
Immer schnäller, immer schnäller, suschter landusch dü im Chäller
Immer schnäller, immer schnäller, suscht geischt nit mit dr Zit!
Immer secklu, immer secklu, am secklu tüësch du fascht verrecku
Immer secklu, immer secklu, nei das ischt nit gsund!
Immer folgu, immer folgu, diinum Chef müescht alles glöibu
Immer folgu, immer folgu, wie en triwwe Hund.
Dr Chef tüet dich binützu ds Reklamieru wird nix nitzu
Nei dü müesch dich laa üsnitzu, suschter steisch de uf dr Strass
Nei da nitzt keis flüechu, chascht en annri Arbeit süechu
Andri chennunsch da öi brüüchu, doch dü hescht immer en Chance!
Immer lachu, immer lachu, wenn der Chef en Witz tüet machu
Immer lachu, immer lachu, lachu isch soo gsund!
Nur kei Stress – wer weiss wie lang dü no hesch z’läbu
Nur kei Stress – öi gmietlich chasch no vill erläbu.
Nur kei Stress – und reg di ja nit üf
Und wenn dü doch uf d’Schnura kisch – de stah halt wieder üf!
Immer secklu, immer secklu, am secklu tüësch du fascht verrecku
Immer secklu, immer secklu, nei das ischt nit gsund!
Immer stressu, immer stressu Öi im Stress darfsch nix vergässu
immer stressu, immer stressu Suscht bisch niene meh.
Immer lüegu, immer lüegu, vorwärts und nit rückwärts lüegu
Immer lüegu, immer lüegu, suscht hzesch kei Durchblick meh.
Immer witer, immer witer, suschter geits dier pletzli schitter
Immer witer, immer witer, lugglah darfsch nie meh!
Immer schnäller, immer schnäller, suschter landusch dü im Chäller
Immer schnäller, immer schnäller, suscht bischt niene meh
Eyholzer Wii
Ganz alleinzig da spazieri durch d’Allee
es wunderhibschus Wäsu häni gseh
Schii chunnt mier entgäägu -
nei no nie in mim Lääbu
häni es wäächers Fröijuzimmer gseh
Ja ich cha nit annersch sägu ira: Hey!
So wie d’üsgseesch brüüchscht keis Gold kei Edulstei
Ich keen eppis vill wächers
Want nit kennsch öi wennt Gäld hescht
Ich hoffu nur dü sägesch nit gat Nei...
Chumm wier triiche mitenand es Glasji Wii
Doch mit dier das müess en ganz spezielle sii...
Eyholzer Wii - Eyholzer Wii
Wie gseit äs müess en ganz spezielle sii...
Naa dum eerschtu Schluck seit schi: Das glöibi nit!!
En sottige Wii kenne schii no nit
Schi gschpirre die Siiri - im Magu es Fiirli
Nam drittu Glasji singt schii mit mier mit:
Chumm wier triiche mitenand en Fläscha Wii
Doch mit dier das müess en ganz spezielle sii...
Eyholzer Wii - Eyholzer Wii
Wie gseit äs müess en ganz spezielle sii...
Mit dem Wii uf der Zungu het schii mich umschlungu
So erwachunt vill Gfüühli wägs der Siiri - vam Wii!
Chumm wier triiche mitenand es Gascho Wii
Ja das müess en ganz spezielle sii...
Eyholzer Wii - Eyholzer Wii
Wie gseit äs müess en ganz spezielle sii...
Chumm wier triiche mitenand en Harass Wii
Ja das müess en ganz spezielle sii...
Eyholzer Wii - Eyholzer Wii
Wie gseit äs müess en ganz spezielle sii..
Lüüsbüeb
Ich hä alls üsprobiert
und fascht alls konsumiert
wa friener verbottu isch gsii.
Ich hä z’Töffji frisiert
und öi Meitjie verfiert
bis am Morgu im Üsgang gsii.
Wie schön isch die Zit friener gsii
Wanich no en Lüüsbüeb bi gsii
Wie schön chas öi hittu no sii
solangi en Lüüsbüeb darf sii
Gah d’Schwigri ga bsüechu
und bringra en Chüechu
wa scho lang nimme güete cha sii.
Der Chef faht a flüechu
bi Ferie ga büechu
und frägu eerscht jetzu fer frii...
Wie schön isch die Zit friener gsii
Wanich no en Lüüsbüeb bi gsii
Wie schön chas öi hittu no sii
solangi en Lüüsbüeb darf sii
Wie schön dasi friener en Lüüsbüeb bi gsii.
Wie schön dasi immer no en Lüüsbüeb cha sii.
Wie schön dasi friener en Lüüsbüeb bi gsii.
Wie schön dasi immer no en Lüüsbüeb cha sii.
Iischi Melodie
Ich keeru im Radio iischi Melodie
Mier chämunt soo vill Sache d sii
Ja das keert eifach zämu: Iischi Melodie - und dü
Keis anners Lied cha so zärtlich sii
seit mier dass ich mit dier darf sii
Fer mich gits niene eppis wächers als iischi Melodie - und dü
Öi wenn mal nit bi mier bisch bisch ganz nooch bi iischer Melodie
Wenn ich schi keeru wellti in diine Armu sii
Öi die längi Zit naa dier erwacht bi iischer Melodie
Ich wellti immer numma mit dier zämu siii
Safran-Walzer
Im Wallis gits es Derfji
im Schwizerland bikannt
mu seit ihm Safranderfji
sisch Mund im Alpuland.
Am Sunnuhang is glägu
Dum Safran gfallts hie güet
Die Pflanza tüet mu pflägu
dasch jede Herbscht erblieht!
Ds Munderderfji, ja das lit
was die Safranpflanza git
en wäächri Blüema findusch nit
wills die nur ganz sältu git
iische Safran ischt en Hit
wills der nur im Wallis git
Und jetzu singunt alli Lit
Der Safranwalzer mit
(Jodel)
Vill Sunna, sältu Schatte
ischt appa dr Grund
fer d’ lüüchtunt blauwu Matte
mit Safran zmitsch in Mund.
Das Gwürz tüet iisch biriichru
verzöibrut iischi Spiis
Mu chas fer fascht alls brüüchu
ob Brot, ob Schnaps ob Riis.
Ds Munderderfji, ja das lit...
Alles was ich will
Ich wellti gäru emal sume Lit sägu
was schii mich chennunt und was schii fer mich sind
Aber dene sägis nit hinnrum Rigg, nei zmitscht an du Grind.
Ich wellti gäru emal wieder vill ässu
ohni z'deichu: Hey ich wääggu doch z'vill.
Ich wellti gääru die ganzi Nacht süüfu ohni Angscht vor Promill!
Alles was ich will, alles was ich will
ischt verbotu, macht dick oder choschtut vill z'vill
Alles was ich will, alles was ich will
das bischt dü und hientamal es ganz chleis Üswärts-Spill!
Ich wellti gääru Millione verdienu
und dass der Lohn öi ohni z'schaffu mer git
Ich wellti gäru jedi Wucha in d'Ferie in der Arbeitszit.
Ich wellti gäru mal zum heiligu Vater
ganz privat zu ihm alleinzig uf Rom.
und är gäbi mier de profilaktisch miini Absolution!
Alles was ich will, alles was ich will
ischt verbotu, macht dick oder choschtut vill z'vill
Alles was ich will, alles was ich will
das bischt dü und hientamal es ganz chleis Üswärts-Spill!
Wiis und Rot
Wiis und Rot – dascht miini Farb
Bi Wiis und rot gschpirr ich das ds Härz vill schnäller schlaat
Wiis und rot – dascht miine Fall
Wiis und rot gsehscht uberall
Am Liebschtu gsehni Wiis und rot bim Cupfinal!
Das ischt iischi Mannschaft, an dera hei wier Freid!
Wills jetz in der Meischterschaft iisch so super geit!!
D’Heimschpill die verpasswer nit, wier sii immer derbii
Und die Zit var Challenge League Die ischt jetz verbii.
Ds Tourbillon ischt üsverchöift - Und die Stimmig stigt
Wills uf dum Rasu super löift - Und dr FC Sittu siegt!
Wiis und rot.....
Wiis und rot isch ds Wallis - Und drizäh Stärna gits
Wiis und rot sind d’Farbe - Va iischum Schwizerchriz!
Wiis und bleich sind ds Gsichter - Und wier wärde lüt
Wenn iisch der Schiedsrichter - En roti Charta git
Im Wallis stäh wier zämu - Will wier en Einheit sii!
Und wier triiche zämu - Wiise und Rote Wii!
Wiis und Rot – dascht miini Farb.....
Sybille
Ds Brig im Gätsch chunntsch uf mich züe
und seit mer hey wie geits de dier
ich säg zu ira chumm wier triiche schnäll es Bier
doch us dem eintu wärdunt de gat sofort vier
und de bschtelle wier en Wii
doch us dr Fläscha wärdunt drii
Nei ich bring nix meh ambri!
Bitte triich nimme so vill
ich cha machu was ich will
wenn dü süüfusch und no gar nix gschpirrsch
ligg ich scho lang unner dum Tisch.
Ja dü laffusch wie es Loch
und seischt en Fläscha magi noch
Jetzu wirds mier zvill!
Hey hey Sybille - süüf nit so vill
Hey hey Sybille - sii ändlich still
Dü tribscht mit mier diis Spill - ich cha machu was ich will
ich verträgu nie so vill - so vill wie dü Sybille!
Uf ds Mal da bini kit
Doch d'Sybille steert das nit
Schii seit Wier gäh hie no nit üs
Zeersch triich wer d'neegschti Fläscha üs
Ja dü laffusch wie es Loch
und seischt zwei Fläsche mägwer noch
Jetzu wirds mier zvill!
Hey hey Sybille - süüf nit so vill
Hey hey Sybille - sii ändlich still
Dü tribscht mit mier diis Spill - und ich cha machu was ich will
ich verträgu nie so vill - so vill wie dü Sybille!
Äs isch um de Zwelfe gsii
da schlafi uf dum Barstüel i.
Doch d'Sybille die isch no total fit
und seit wach üf und triich mit mier no mit
Doch ich hä Schwindul Maguweh
Ich mag keis Schluckji meh
Jetzu wirds mier zvill!
Bitte triich nimme so vill
ich cha machu was ich will
wenn dü süüfusch und no gar nix gschpirrsch
ligg ich scho lang unner dum Tisch.
Ja dü laffusch wie es Loch
und seischt en Fläscha magi noch
Jetzu wirds mier zvill!
Hey hey Sybille - süüf nit so vill
Hey hey Sybille - sii ändlich still
Dü tribscht mit mier diis Spill und ich cha machu was ich will
ich verträgu nie so vill -so vill wie dü Sybille!
Hey hey Sybille - süüf nit so vill
Hey hey Sybille - sii ändlich still
Dü tribscht mit mier diis Spill und ich cha machu was ich will
ich verträgu nie so vill ....so vill wie dü Sybille!
Hey hey Sybille......
Zämu sii
Mit dier zämu sii - mit dier zämu sii - mit dier zämu sii - mit dier zämu sii
Zämu träffu, zämu redu, zämu rutschu, zämu cho
zämu wohnu, zämu chochu, zämu schlafu sowieso
zämu lachu, zämu flännu, zämu strittu das gits öi
zämu bliibu, zämu gniessu ja das chasch mit discher Fröi
Zämu redu, zämu losu, zämu schwiigu, zämu stah
zämu chrampfu, zämu schaffu und de schich wieder la gah
zämu glettu, zämu wäschu, zämu putzu wenns müess sii
zämu läbu, zämu stärbu, zämu bliibu, zämu sii.
Zämu läbu, zämu zfridu sii - Zämu bliibu, zämu glickli sii
zämu lachu, zämu trüürig sii - Zämu chnudlu, zämu zärtlich sii.
Zämu Rägu, zämu Sunna, zämu Ferie, zämu Strand
zämu läsu, Zit vergässu beidi zämu Sunnubrand
zämu luschtig, zämu Fieber, zämu gsundsi oder chrank
zämu wäägu, zämu abnäh, zämu rundsi oder schlank
Mit dier zämu sii - mit dier zämu sii - mIt dier zämu sii - mit dier zämu sii
Zämu glicklich, zämu zfridu sii mit dem wa wier alls hei
zämu üsgah, zämu triichu, zämu ässu nur wier zwei
zämu heimgah, zämu schlafu, zämu striichlu zärtlich sii
zämu läbu, zämu liebu, zämu schwäbu, zämu sii
Zämu wandru ga spazieru, zämu Hand in Hand ga löifu
zämu sparu, zämu gittu, zämu unnetigs ga chöifu
zämu Winter, zämu Üstag, zämu Summer, zämu Herbscht
zämu afa, zämu witermachu und zämu der Letscht.
Zämu schmüüsu, ganz nooch zämu sii - Zämu redu, zämu stilli sii.
Zämu läbu, zämu zfridu sii - Zämu bliibu, zämu glickli sii
Zämu Wallis, zämu Bäru, zämu Zürich, zämu Schwiz
zämu alles, zämu wenig, zämu meh und zämu nix
zämu zfridu, zämu trüürig, zämu strittu wenns müess sii
zämu läbu, zämu stärbu, zamu bliibu, zämu sii
Zämu Freid hä, zämu’s luschtig hä, fer immer zämu gah
zämu redu, zämu losu, zämu schwiigu, zämu stah
zämu lachu, zämu glicklich, und öi zämu zfridu sii
zämu liidu, zämu fühlu, zämu zellu, zämu sii
Zämu träffu, zämu redu, zämu rutschu, zämu cho
zämu wohnu, zämu chochu, zämu schlafu sowieso
zämu lachu, zämu flännu, zämu strittu das gits öi
zämu bliibu, zämu gniessu ja das chasch mit discher Fröi
