Deheimu
Chüüm uf dr Wält, Z'eerschta want keerscht,
Das ischt die Spraach, want soffort leerscht
Und tüesch dü z'eerschtmal d'Öuge üf
gsehsch d'Mamma und diis Eltruhüüs.
Öi went gat chüüm giboru bischt
Dasch diis deheimu, want dü gschpirrscht
Diis Eltruhüüs, diis Heimatland
Das blibt eso der Läbtaglang
Dasch diis deheimu, öi wennsus no nit weisch
diis deheimu, wa dü im Härz dritreisch
diini Sprach, diis Derfji da want dü giboru bischt.
diis deheimu, da want dü glickli bischt.
Dü geischt in d'Schüel und de in d'Lehr
Geisch frisch verliebt ins Militeer
Bischt in Dorf-Vereina dri
Hochzit, es paar Jingini.
Und sindsch de gresser, diini Chind
De merkuscht eerscht, wie Zit verrinnt,
Die ganzi Wält verändrut schich
Numma eppis das blibt glich:
Dasch diis deheimu, wa dü durch d'Strasse geischt
diis deheimu, Want allne salü seischt
diini Sprach, diis Derfji da want dü öi elter wirscht.
diis deheimu, da want dü zfridu bischt.
(Dasch) diis deheimu, (wa dü nit absits steischt)
diis deheimu, (wa dü die Lit verschteisch)
diini Sprach, diis Derfji da want dü nit absits steischt.
diis deheimu, wa dü d'Lit versteisch.
Und bisch de emal Pensionäär
ds Alleinzig sii das fallt dier schwär
wie güet dass vill kollegu hescht
wa immer da sind wenn schii brüüchscht
Bischt as güetuntagsch de nimme da
Die Spure, want hescht hinnerlah
Die bliibunt hie, gähnt niemals fort
Fer ewig in diim Heimatort
Dasch diis deheimu, ......
Dasch diis deheimu, ......
Dasch diini Sprach, diis Derfji, da want dü bigrabu wirscht
Diis deheimu, da want du glicklich bischt
- zfridu bscht
- fer immer blibsch
1815
Äs ischt en Sägu, Im Wallis z'lääbu
Eswa annersch chennti niemals sii
Ich bi so stolz öi es Stuck vam Wallis z'sii
Ja iischi Sprach hie - Versteit mu sie nie
Derbii weiss mu ir ganzu Schwiz
Äs git nix wächers als ds Wallisertitsch
Sit 1815 - Sii wier Eidgenosse
Und nimme en eigni Republik
Doch ds Wallis das het vill meh, Als d'ganz Üsserschwiz!
Und de die Lit hie, Die sind wie die Kampfchieh
Sensibel und doch voller Chraft
So heint vill Walliser Karriera gmacht...
Sit 1815.....
Jaa ich bi stolz - Öi es Stuck vam Wallis z'sii
Jaa ich bi stolz - Hie deheimu z'sii
Iischi Natur hie - iischi Kultur hie
Sit Jahrhunderte läbe wier so
Und wier gäbe das immer witer an die neegschti Generation.
Sit 1815… (2x)
Jaa wier sii stolz - Öi es Stuck vam Wallis z'sii
Jaa wier sii stolz - Hie deheimu z’sii
Jaa wier sii stolz - uf iische Walliser Wii
Jaa wier sii stolz - sii wier am Cupfinal derbii
Jaa wier sii stolz - uf ds Wätter und du Sunnuschii
Jaa wier sii stolz - uf die Herrgottsgrenadier
Jaa wier sii stolz - uf iischi Walliser Müsig
Jaa wier sii stolz - dass wier hie derfe deheimu sii!
No en Rundi
Äs chunnt alles besser
Bim ne chaltu Bier
Und chunnt der Durscht no greesser
Ja de briele wier
No en Rundi, no en Rundi
No en Rundi, no en Rundi, no en Rundi
Äs wird immer speeter
Wier hei scho alli gnüeg
Doch de höirut der HansPeter
Das tüet iisch gar nit güet!
No en Rundi…
Wan ich hä wellu zahlu
Lüegt mi eini a
Ich fa afa scharu
Und bschtellu halt no mal...
No en Rundi...
Schii het nix dergägu
Schii chunnt heim zu mier
Wann ich nimme hä megu
Seit schii no zu mier
No en Rundi....
Ich sellti ändli abnäh
Drum triibi jetzu Sport
Bim Schwangerschaftuturnu
Wells chunnt da durch die Port?
No en Rundi….
Der Räscht va de Tegschta fählunt no gat....